വിദ്യാരംഭം എന്ന "ചടങ്ങ്"

വിദ്യാരംഭം എന്നാ ഒരു ചടങ്ങ് അങ്ങനെ കടന്നു പോയി. ഇന്നത്തെ കാലത്ത് അതിനെ ചടങ്ങ് എന്നു തന്നെ വിശേഷിപ്പികെണ്ടിയിരിക്കുന്നു.വായനശാലകളും പുസ്തകങ്ങളും മരിച്ചു കൊണ്ടിരിക്കുമ്പോള്‍ വിദ്യാരംഭം എന്നാ ഒരു ആചാരത്തിന് എത്രത്തോളം പ്രസക്തിയുണ്ട് എന്നും ചിന്തിക്കേണ്ടിയിരിക്കുന്നു. വായനശാലയും പുസ്തകങ്ങളും ഒരാളുടെ അറിവിനെ മാത്രമല്ല വ്യക്തിത്വത്തിനെ തന്നെ സ്വാധീനിക്കുന്നു. എന്നാല്‍ പുസ്തക പ്രേമികളുടെ എണ്ണവും ഇക്കാലത്ത് കുറഞ്ഞു വരുന്നു.ഏതു പ്രഗല്‍ഭന്റെ മടിയില്‍ ഇരുന്നു ഹരി ശ്രീ കുറിച്ചാലും വരും തല മുറകള്‍ കമ്പ്യൂട്ടറിന്റെ മുന്നിലേക്ക് തന്നെയാണ് പോവുന്നത്. കമ്പ്യൂട്ടര്‍ അറിവു നേടാന്‍ സഹായിക്കുമെങ്കിലും അങ്ങനെ ഉപയോഗിക്കുന്നവരും വളരെ വിരളം എന്ന് തന്നേയ് പറയണം. വിദ്യാഭ്യാസം ഒരു കച്ചവടം ആവുന്ന ഇന്നത്തെ സമൂഹത്തില്‍ വിദ്യാഭ്യാസത്തോടുള്ള കാഴ്ചപ്പാട് മാറാത്തിടത്തോളം കാലം വിദ്യാരംഭം എന്നത് ഒരു ആചാരമായി തന്നെ നമുക്കിടയില്‍ തുടരും. ഏത് യുക്തിവാദികള്‍ പോലും മൗനമായി അംഗീകരിക്കുന്ന ഒരു ആചാരം. യുക്തി ചിന്തകളും ചിന്താ ശേഷിയും നമ്മുടെ സമൂഹത്തിനു എന്നേ നഷ്ടപ്പെട്ടൂ...യുക്തി പുലരട്ടെ...നമ്മുടെ സമൂഹത്തില്‍ ... അതു മാത്രം പ്രത്യാശിക്കുന്നു... :-)