ലോകത്തിലെ ഏറ്റവും സുരക്ഷിതമായ കമ്പ്യൂട്ടര്‍ നെറ്റ്‌വര്‍ക്ക് ഉള്ള സൈന്യം ഉണ്ടെന്നു അവകാശപ്പെടുന്ന അമേരിക്കയ്ക്ക് ഒരു പണി കൊടുത്തു കൊണ്ടു ചൈനീസ്‌ ഹാക്കെര്‍മാര്‍ രംഗത്ത് വന്നു. അമേരിക്കന്‍ പ്രസിഡന്റിന്റെ ഔദ്യോഗിക വസതിയായ വൈറ്റ് ഹൗസിലെ കമ്പ്യൂട്ടര്‍ നെറ്റ്‌വര്‍ക്ക് ഹാക്ക് ചെയ്യപെട്ടതായി ഔദ്യോഗിക വൃത്തങ്ങള്‍ തിങ്കളാഴ്ച അറിയിച്ചു. ചൈനീസ്‌ ഹാക്കര്‍ ആണു ഇതിനു പിന്നില്‍ എന്നും കണ്ടെത്താന്‍ അവര്‍ക്ക് കഴിഞ്ഞു.
അമേരികന്‍ സൈന്യം ആണവ പരമായ കാര്യങ്ങള്‍ക്കു ഉപയോഗിക്കുന്ന കമ്പ്യൂട്ടര്‍ നെറ്റ്‌വര്‍ക്ക് ആണു ഹാക്ക് ചെയ്യപ്പെട്ടത്. രാജ്യത്തിന്‍റെ അതീവ രഹസ്യമായ വിവരങ്ങള്‍ അടങ്ങുന്ന ഈ കമ്പ്യൂട്ടറുകളില്‍ നിന്നും യഥൊരു വിധ ഡാറ്റകളും നഷ്ടപെട്ടില്ല എന്നും വൈറ്റ് ഹൗസ് വൃത്തങ്ങള്‍ അവകാശപ്പെട്ടു.
അതേ സമയം ഒബാമയുടെ കീഴില്‍ ഉള്ള ഭരണകൂടത്തിന്റെ കഴിവു കേടാണ് ഈ ഹാക്കിംഗ് സൂചിപ്പികുന്നത് എന്നുള്ള വിമര്‍ശന ശരങ്ങളുമായി അമേരിക്കന്‍ മാധ്യമങ്ങള്‍ രംഗത്ത് വന്നു. അതികം വൈകാതെ തന്നെ ഇലക്ഷന്‍ നേരിടാന്‍ പോവുന്ന ഒബാമയ്ക്ക് ഇതൊരു തിരിച്ചടിയാവും എന്നും വിദഗ്ദ്ധര്‍ വിലയിരുത്തുന്നു. ഈ ഹാക്കിംഗ് വാര്‍ത്ത മറ്റു രാജ്യങ്ങളെയും അക്ഷരാര്‍ഥത്തില്‍ ഞെട്ടിച്ചു കളഞ്ഞു. ഏറ്റവും കൂടുതല്‍ സുരക്ഷ സന്നാഹം ഉള്ള അമേരിക്ക പോലും ചൈനീസ്‌ ഹാക്കര്‍മാരുടെ മുന്‍പില്‍ മുട്ട് മടക്കിയപ്പോള്‍ തങ്ങളുടെ സ്ഥിതി എന്തയിരുക്കും എന്ന ആശങ്കയിലാണ് ഇന്ത്യ അടക്കമുള്ള ഏഷ്യന്‍ രാജ്യങ്ങള്‍ .
ഒറിജിനല്‍ എന്നു തോന്നിപ്പിക്കുന്ന ഫെയ്ക്ക് പേര്‍സണല്‍ ഇമെയില്‍ ഐ.ഡി വഴി ലിങ്കുകള്‍ അയച്ചു ഹാക്ക് ചെയ്യുന്ന സ്പിയര്‍ ഫിഷിംഗ് എന്ന ഹാക്കിംഗ് രീതിയാണ് ഇതിനായി ഉപയോഗിച്ചിരിക്കുന്നത് . യു.എസ്. മിലിട്രി നെറ്റ്‌വര്‍ക്ക്കള്‍ ഇതിനു മുന്‍പും ഹാക്ക് ചെയ്യാന്‍ പലരും ശ്രമിച്ചിട്ടുണ്ടെങ്കിലും വിജയിച്ചവയുടെ എണ്ണം വളരെ ചുരുക്കം മാത്രം ആണു. ആ ഹാക്കര്‍മാരെ ഒക്കെ അപ്പോള്‍ തന്നെ അമേരിക്ക വേണ്ട വിധം കാണുകയും ചെയ്തിട്ടുണ്ട്. പക്ഷെ ചൈനീസ്‌ ഭരണകൂടത്തിന്റെ അറിവോടെയുള്ള ഈ ഹാക്കിംഗ് നെതിരെ ഒരു ചെറു വിരലനക്കാന്‍ പോലും അമേരിക്കയ്ക്ക് ആവുന്ന്മില്ല എന്നത് അതിശയം ജനിപ്പിക്കുന്നു.
ലോകത്തെ സോഷ്യല്‍ നെറ്റ്‌വര്‍ക്കിംഗ് സൈറ്റുകളിലെ അക്കൗണ്ട്‌ ഉള്ളവരുടെ പകുതിയലധികം പേരുടേയും വിവരങ്ങളും മറ്റും ചൈനീസ്‌ ഹാക്കര്‍ മാര്‍ ഹാക്ക് ചെയ്തു എന്ന ഒരു വാര്‍ത്ത മുന്‍പ് പരന്നിരുന്നു. ഇപ്പോള്‍ ഈ വാര്‍ത്ത കൂടി കേട്ടാല്‍ നാം കാണുന്ന ചൈന അല്ല യഥാര്‍ത്ഥ ചൈന എന്നു നിസംശയം പറയാം. കാരണം ചൈനയെ കുറിച്ചുള്ള യഥാര്‍ത്ഥ വിവരങ്ങള്‍ ഇന്നും മറ്റു ലോക രാജ്യങ്ങള്‍ക്ക് അന്ജതാതമാണ്.
No comments:
Post a Comment